SEREKATÎ YA MÊRANî YA HOVÊN BİYANÎ
Posted by kaniyasor 10 Mart 2015
Kanî Yado – 10.03.2015:
Serekatî an jî pêşengî di lîteratûra siyasî de gelek zêde cîh digire. Siyeseta kevneperestan de serekatî bi şiklê zordestî ya mêranî ava dibe.
Mêranî çi mêranî! Mêraniyek camêrî û mêrxwasî!
Herêma Rojhilata Navîn de him pêşengiya ola mêran, him jî pêşengiya siyasî nêr e. Ango muzekker e û gelek bi êşe. Serekatî ya bê daxwaza gel, bê hilbijartina gel, bi şiklê zor a nêr tê hole.
Bi pêşengî ya camêrtî ya sazûmanên nêr, ên siyasî û olî azadî ava nabe! Zorbazî bi pêşengî ya aqlê nêr, ên mêranî, ên gemar ava dibe.
Zorbazî ya siyasî û rêvebirî him bi rengê çep, him jî bi rengê rast nêr e. Jin û jiyan bindestê sazûmana mêrani ye!
Bindestî, mexdûrîyet a belengazîya mêjî û hişê bindestî ye. Wan, aqil nehanîn ser bêhişî ya xwe. Hiş, hiş a har ê û pêşengî ya zorbazî ya mêranî ye.
Pêşengiya siyaseta camêr ên Kurd, bi daxwaza kevneşopîya olî û dewleta Tirk û bi îdeolojiya fermî ava bûye. Va rewş, rewşa tevger a neteweyî nîne. Bi mîhenga zorbazan ava bûye.
Tevgera neteweyî, qet bi rengê îdeolojiya fermî ya Tirk çê nabe! Ew ne ji boy neteweya Kurdane. Bingeha kûr de ku, berê xwe da berjewendiya dewleta Tirk bi projeyek kûr ava bûye.
Daxwaza gelê Kurd de rûmetên Kurdan, ziman û çanda Kurdan pêwîste.
Piranî ya Kurdan kevneşop û ola Ereban û îdeolojiya fermî ya Tirkan bawer dikin. Mirov çawa dibe evîndarê ideolojiya Ereban ê olî û ola Kemalîzmê?
Daxwaza dewleta Tirk ê kûr bi asîmîlasyonê, Kurdan bêzar û bê ziman bike û Kurdan bê giyan bihêle!
Em neteweyek bi 50 miyonan li ser cihnê dijîn, dixazin bi Kurdî bifikirin, xewn û xeyalên xwe bi zimanê dayîka xwe bibînin, stran û helbestên xwe di jiyanek azadiya neteweyî de bêjin. Mafên me ên neteweyî bi zagona navneteweyî nas dibe. Kes nikare me bêcan û bêgiyan bike.
Bi ziman û çand û siyaseta Tirk, em çawa gelê xwe biparêzin?
Bê ziman û çanda Kurdan, jiyan bê nirxe.
Gelên belengaz bê mafên neteweyî û bê dewlet jiyana xwe dajon, wek mirovên sêwî û bêkesin.
Eger em li ser axa xwe bê dewlet bin, em belengalaz û ber dîwar û bêwar dibin.
Boy me demoqrasî û azadiya Tirkan tiştek jî nîne? Ji boy Kurdan serxwebûn pêwîste.
Hemberê Kurdan çoyên Tirkan her dem paş kûna wanin. lê, Kurdên Kemalîst hemberê Tırkan wek tajiyên nêçîrvananin. Xweda yê erd û ezmanan rûyê wan reş bike!
Dem dem Kurdên hatina xapandin derbarê demoqrasî ya Tirkan şîrove dikin û çareseriya pirsgirêkên wan tînin ser zimîn. Sazûmanek ji boy Tirkan boy Kurdan ne çareserî ye. Mafên zagonî ji boy Tırkan e, ne ji boy neteweya Kurdan e.
سهرهکاتی یا مێرانی یا هۆڤێن ب̇یانی
کانی یادۆ – ۱۰.۰۳.۲۰۱۵
سهرهکاتی ئان ژی پێشهنگی د لیتهراتوورا سیاسی ده گهلهک زێده جیه دگره. سیهسهتا کهڤنهپهرهستان ده سهرهکاتی ب شکلێ زۆردهستی یا مێرانی ئاڤا دبه.
مێرانی چ مێرانی! مێرانیهک جامێری و مێرخواسی!
ههرێما ڕۆژهلاتا ناڤین ده هم پێشهنگیا ئۆلا مێران، هم ژی پێشهنگیا سیاسی نێر ئه. ئانگۆ موزهککهر ئه و گهلهک ب ئێشه. سهرهکاتی یا بێ داخوازا گهل، بێ هلبژارتنا گهل، ب شکلێ زۆر ئا نێر تێ هۆله.
ب پێشهنگی یا جامێرتی یا سازوومانێن نێر، ئێن سیاسی و ئۆلی ئازادی ئاڤا نابه! زۆربازی ب پێشهنگی یا ئاقلێ نێر، ئێن مێرانی، ئێن گهمار ئاڤا دبه.
زۆربازی یا سیاسی و ڕێڤهبری هم ب ڕهنگێ چهپ، هم ژی ب ڕهنگێ ڕاست نێر ئه. ژن و ژیان بندهستێ سازوومانا مێران یه!
بندهستی، مهخدوورییهت ئا بهلهنگازییا مێژی و هشێ بندهستی یه. وان، ئاقل نههانین سهر بێهشی یا خوه. هش، هش ئا هار ئێ و پێشهنگی یا زۆربازی یا مێرانی یه.
پێشهنگیا سیاسهتا جامێر ئێن کورد، ب داخوازا کهڤنهشۆپییا ئۆلی و دهولهتا ترک و ب ئیدهئۆلۆژیا فهرمی ئاڤا بوویه. ڤا ڕهوش، ڕهوشا تهڤگهر ئا نهتهوهیی نینه. ب میههنگا زۆربازان ئاڤا بوویه.
تهڤگهرا نهتهوهیی، قهت ب ڕهنگێ ئیدهئۆلۆژیا فهرمی یا ترک چێ نابه! ئهو نه ژ بۆی نهتهوهیا کوردانه. بنگهها کوور ده کو، بهرێ خوه دا بهرژهوهندیا دهولهتا ترک ب پرۆژهیهک کوور ئاڤا بوویه.
داخوازا گهلێ کورد ده ڕوومهتێن کوردان، زمان و چاندا کوردان پێویسته.
پرانی یا کوردان کهڤنهشۆپ و ئۆلا ئهرهبان و ئیدهئۆلۆژیا فهرمی یا ترکان باوهر دکن. مرۆڤ چاوا دبه ئهڤیندارێ ئدهئۆلۆژیا ئهرهبان ئێ ئۆلی و ئۆلا کهمالیزمێ؟
داخوازا دهولهتا ترک ئێ کوور ب ئاسیمیلاسیۆنێ، کوردان بێزار و بێ زمان بکه و کوردان بێ گیان بهێله!
ئهم نهتهوهیهک ب ۵۰ میۆنان ل سهر جهنێ دژین، دخازن ب کوردی بفکرن، خهون و خهیالێن خوه ب زمانێ داییکا خوه ببینن، ستران و ههلبهستێن خوه د ژیانهک ئازادیا نهتهوهیی ده بێژن. مافێن مه ئێن نهتهوهیی ب زاگۆنا ناڤنهتهوهیی ناس دبه. کهس نکاره مه بێجان و بێگیان بکه.
ب زمان و چاند و سیاسهتا ترک، ئهم چاوا گهلێ خوه بپارێزن؟
بێ زمان و چاندا کوردان، ژیان بێ نرخه.
گهلێن بهلهنگاز بێ مافێن نهتهوهیی و بێ دهولهت ژیانا خوه داژۆن، وهک مرۆڤێن سێوی و بێکهسن.
ئهگهر ئهم ل سهر ئاخا خوه بێ دهولهت بن، ئهم بهلهنگالاز و بهر دیوار و بێوار دبن.
بۆی مه دهمۆقراسی و ئازادیا ترکان تشتهک ژی نینه؟ ژ بۆی کوردان سهرخوهبوون پێویسته.
ههمبهرێ کوردان چۆیێن ترکان ههر دهم پاش کوونا وانن. لێ، کوردێن کهمالیست ههمبهرێ تıرکان وهک تاژیێن نێچیرڤانانن. خوهدا یێ ئهرد و ئهزمانان ڕوویێ وان ڕهش بکه!
دهم دهم کوردێن هاتنا خاپاندن دهربارێ دهمۆقراسی یا ترکان شیرۆڤه دکن و چارهسهریا پرسگرێکێن وان تینن سهر زمین. سازوومانهک ژ بۆی ترکان بۆی کوردان نه چارهسهری یه. مافێن زاگۆنی ژ بۆی تıرکان ئه، نه ژ بۆی نهتهوهیا کوردان ئه.
Yorum bırakın